Liber Nehemiae*

Caput 7: Versus 3

Non aperiantur portae . . . usque ad calorem solis,etc.ID., ibid., id est, toto tempore noctis, etc., usque ad unde:Et portae ejus non claudentur per diem, nox non erit illicApoc. 21..Et posui custodes.ID., ibid.Custodes animarum non sunt de neophytis vel de plebe constituendi, sed de illis qui a certamine vitiorum Dei gratia liberati, jam mentem in Jerusalem, id est in visione tranquillae pacis habent, quorum conversatio in coelis est. Aliis enim consummato cursu de hac luce subtractis, alii mox substituuntur, nec unquam desinit qui pacem Ecclesiae excubando ambiant propter timores nocturnos, secundum illud:Pro patribus tuis nati sunt tibi filiiPsal. 44..Haec illi tempori typice conveniunt, quo seminato per apostolos longe lateque Dei verbo, totus orbis novum fidei germen accepit, necdum Ecclesiae aedificatae, sed tantum auditu verbi et sacramentis populi adhuc rudes erant imbuti. Ideo congregatis non solum optimatibus, sed et vulgo diligenter eorum numerum recensere curavit, ut perspecta omnium summa, discernere posset, qui in Jerusalem, qui in aliis civitatibus habitare deberent.Unumquemque contra domum.Sic enim custodia sanctae Ecclesiae rite perficitur, si quisque ita sollicitudinem omnium fidelium gerat, ut specialiter eis quibus Deo auctore praelatus est, curam diligentioris studii impendat.
(* Traductions européennes)